Марий Элым Вуйлатыше Юрий Зайцев Шинчымаш кечын МарГУ-н да Волгатехын чолга студентышт дене вашлийын.
Вашлиймаште РФ Федеральный Собранийын Федераций Советше Председательын алмаштышыже, МарГУ-н почётан профессоржо Константин Косачёв, Федераций Советысе Обороно да лӱдыкшыдымылык комитет председательын икымше алмаштышыже Сергей Мартынов лийыныт.
Студент-влак мутланымашке чолган ушненыт: уна-влакын вузыш тунемаш пурымышт гыч тӱҥалын республикым вияҥдыме марте. Нунын коклаште – марий йылме цифровизаций, самырык-влакын инициативышт, военный тунемме рӱдер-влакым вияҥдыме, выпускник-влакын паша верым кычалмышт, образований аланыште у технологий-влак нергенат.