«ГосСтарт.Стажировки» направлений дене Марий Элысе этапыште самырык ӱдыр-рвезе-влакым вучат.
Регионысо этапыш 18-35 ияш еҥ-влак ушнен кертыт. Тыгодым нуно бакалавриатын 3-4-ше да специалитетын 4-5-ше курслаштыже тунемше але кыдалаш профессионал образованийым налше категорийлашке пурышаш улыт.
Стажёр-влаклан комплексный образовательный программым ямдылыме. Тушто кугыжаныш управленийысе шинчымашым келгемдаш, системым кӧргӧ гычак пален налаш да варажым Россий субъектласе кучемын исполнительный органлашкыже логалаш йӧн уло. Ойыртемже – теорийым практикыште кучылташ лиеш.
Регистрацийым 30 апрель марте эртыман, палдара «Молодёжь Марий Эл» портал.