Советский посёлкысо 2-шо номеран школын «Советские следопыты» командыже географийым палыме шотышто Российысе интеллектуальный турнирын отборочный туржым эртен.
Йоча-влакын тӱшкашт географийым туныктышо Елена Таратинан вуйлатымыж почеш 17 эн сай команде радамыш логалын. Ынде нуно апрельыште Сочи оласе «Сириус» образовательный рӱдерыште лийшаш финалышке каят.
Пытартыш тур Мландын тӱнямбал кечыжлан пӧлеклалтеш. Тушто тунемше-шамыч уш-акыл шотышто таҥасат, экскурсийыш коштыт, мастер-класслашке ушнат да учёный, путешественник да Руш географический обществын экспертше-влак дене вашлийыт.
Тыште сеҥыше-влаклан сай призым темлат – «Astoria Grande» круизный лайнер дене теҥыз гоч йотэллашке миен толаш путёвкым кучыктат