Марий Элысе Кугыжаныш Погынын Председательжын алмаштышыже, спецоперацийын ветеранже, «Герои Марий Эл. Талешке-влак» кадровый программын участникше Александр Смирнов Шернур округышто Сеҥымаш кече вашеш эртарыме автопробегыш ушнен
Автомобиль-влак колонно СВО ветеран-влакым да нунын ешытым, Отечествын воинже-влакын ешыштын комитетшын, Шернур округысо депутат-влак погынын да администрацийын еҥже-шамычым, тыгак Молодежный парламентын членже-влакым ушен.
Автопробег икмыняр населенный пунктым – чылаже 70 утла меҥгым – авалтен. Участник-влак Кукнур шӱгарлаште лийыныт, спецоперацийыште колышо-влакым шарналтеныт. Вара Аптулят ялыште Кугу Отечественный сарын участникше-влаклан обелиск да СВО участник-влакын мемориал оҥашт, тыгак Казанский селаште, Марисолаште, Куэрсола, Памашсолаште мемориал-влак ончыко пеледышым пыштеныт. Пытартышлан Шернур посёлкысо да Купран шӱгарлашке СВО участник-влакын шӱгарышкышт пурен лектыныт.
Ты кечынак Александр Смирнов Чылдемыр ялыште «Шочмо элым аралыше-влаклан» памятник да Кугэҥер ялысе Кугу Отечественный сарыште колышо салтак-влаклан обелиск воктеке пеледышым пыштен.
Кугыжаныш Погынын колтымо фото-влак