Кочкыш
Кӱлыт: 110 г ужар серетан (рушлаже – сныть), 170 г пареҥге, 5 г ош ложаш, 2-3 шоган, ӱй, 15 г лай, укроп але ужар шоган.
Серетан кушкылым поген, икмыняр гана тудым вӱдеш мушкыт, тыгыдын пӱчкедат да, шолшо вӱдышкӧ пыштен, 10-15 минут шолтат. Вара пареҥгым ешарат. Шолтен чарныме деч вич минут ончыч пассироватлыме ложашым да тыгыдын падыштме шоганым пыштат. Шӱрым лай дене кочкыт, укропым шавалтат.