Илыш ончыко кая. Ме шкежат илалше еҥыш савырнена. А самырык тукым ончылно чыланат примерым ончыктышаш улына. Кузе уке гын, вет кушкын шогышо ӱдыр-эрге-влак илышын нелылыкшым, эртыше пагытын осаллыкшым шагал палат, да нуно чылажым огытат умыло.
22 июньышто 4 шагат эрдене Кугу Кожлаял ден Панайке яллаште илыше эн чолга еҥ-влак Кугу Ачамланде сарыште вуйым пыштыше салтак-влаклан пӧлеклалтше шарнымаш оҥа ончыко сортам чӱкташ лектынна. Ты мероприятий дене мемнан кундемна гыч Кугу сар жапыште тыныс илыш верч тыршыше 120 еҥым пагалымынам ончыктенна. Ялыште илышыже сарлан полшен шоген, а сӧй тул коклаште кучедалшыже сеҥымашым конден.
Мероприятийна Кугу Ачамланде сарыште вуйым пыштыше салтак-влакын оҥашт ончылан пеледышым пыштымаш дене мучашлалтын. Кажныже поро мутым пелештен.
Мый ӱшанем: самырык тукым кугезына-влакын кугу подвигыштым огеш мондо да тачысе кечын тора мландыште каен шогышо сарзе операцийыштат сеҥымаш мемнан лиеш! Пеш кугу тау ял калыкемлан Россий мучко эртаралтше «Шарнымаш оҥа» акцийыш ушнымыштлан.
Альберт Багаев,
Морко районысо Кугу Кожлаял ден Панайке яллан старостыжо:
Авторын колтымо фото-влак.