8-13 июньышто Хабаровский крайыште кыдалаш профессионал шинчымашым налше студент-влакын «Российысе студент шошо» фестивальышт эрта.
Марий Элысе студент-влакын вич еҥан командыже тушко ушнен. Уста ӱдыр-рвезе-влак кундемнан чапшым шым номинацийыште аралат. Марий политехнический техникумын студентше Никита Ронжин калык мурым стилизоватлен выступатла, И.С.Палантай лӱмеш тӱвыра да сымыктыш колледжын студентше Алексей Сунгуров авторский муро дене мастарлыкшым ончыкта , ты колледжынак вес тунемшыже Дарья Белова калык семӱзгар дене шокталта, Йошкар-Оласе медицине колледж гыч Аделя Гиматдинова эстрадный мурымашым да отечественный мурым йоҥгалтара, «Политехник» колледжын вес студентше Анастасия Малинина графике йӧн дене дизайным, иллюстрацийым аклаш луктеш. Талантан ӱдыр-рвезе-шамычым тушто И.С.Палантай лумеш тӱвыра да сымыктыш колледжын преподавательже Наталья Голубина ужата.
Палемдыман, «Российысе студент шошо» фестиваль Российысе Просвещений министерствын полшымыжо да «Молодёжь и дети» нацпроектлан кӧра илышыш шыҥдаралтеш.