Таче, 19 августышто, регионысо Мер эскерымаш штаб да Марий Эл Республикын айдемын праваже шотышто уполномоченный пырля пашам ыштыме шотышто ойпидышым ыштеныт.

Документыш штабым вуйлатыше, регионысо Общественный палатын еҥже Евгений Кузнецов да Марий Эл Республикын айдемын праваже шотышто уполномоченный Фанис Мухаметгалиев кидпалыштым пыштеныт.

Ойпидыш – сайлыме кампанийын кажне йыжыҥыштыже системно пашам ышташ негыз. Документын ик эн тӱҥ пунктшо – Айдемын праваже шотышто уполномоченный пеленысе молодёжный советын еҥже-влакым штабын пашашкыже ушымаш. Евгений Кузнецов Молодёжный советын председательже Владимир Ваулинын надыржылан поснак тӱткышым ыштен.

– Тудо мер пашаеҥ гына огыл, эше штабнан туныктышыжо. Владимир зависитлыдыме эскерыше-влакым «Золотой стандарт» НОМ курс кышкарыште туныкта, – палемден тудо.

Ойпидышым ыштымаш – сайлыше-влакын праваштым аралышаш верч пырля тыршымаш. Ынде Уполномоченныйын еҥже-влак ик мониторинг системыш ушнат, тидыже еҥ-влакын обращенийыштлан писын реагироватлаш да лийын кертше экшыкым нунын лекмешкышт кораҥдаш полша.

Мер эскерымаш штабын фотожо.