Тений сентябрьыште Кугыжаныш Думын 9-ше созывышкыжо депутат-влакым сайлаш тӱҥалына.
Тыгак кандаш регионышто губернаторым да кум субъектыште верысе парламентын депутатше-влак президентын темлымыж почеш вуйлатыше-влакым ойырат. Тыге сентябрьыште 39 регионышто законодательный собранийын у составше лиеш. А чылаже тӱрлӧ кӱкшытан 2200 утла кампаний эрта. Иктешлымаш почеш 20 тӱжем утла мандатыш да ойырымо должностьлашке кандидат-влакым ойырат. Центризбиркомын председательже Э.Памфилован мутшо почеш, сайлымашым кум кечылан шуяш шонат.