Марий Элысе Общественный палатын да коммерческий огыл организаций-влакын еҥышт сайлымашым эскерыме шотышто ойпидышым ыштеныт.
Тушко 15 НКО ушнен, нунын коклаште: Отечествын сарзыже-влакын ешыштын комитетышт, Россий калык-влакын ассамблейышт, Юрист-влакын ассоциацийышт, Адвокатский палате, Журналист-влакын ушемышт, Гражданский инициативылан полшышо фонд да молат. Мер пашаеҥ-влак ӱшанат: сайлымаш чын эрта, да иктышлымаш законло лиеш.
Палатым вуйлатышын алмаштышыже Татьяна Михеева палемден: сайлымаште мер тергымаш кӱлешан, вет калык пашан чын шукталмыжым кугыжанышын полышыж деч посна тергышаш.
Юрист-влакын ассоциацийышт гыч Вадим Анохинын мутшо почеш, организацийышт тыгай мероприятийлаш эре ушна да тергыше-влакым йӱклымашке колта.
Мер эскерымаш штабым вуйлатыше Евгений Кузнецов палемден: избирательный участкылаште тӱжем наре волонтёрым ямдылат. Чыла тиде паша мер организаций ден нунын доброволецышт полшымо дене шукталтеш.
Общественный палатын фотожо.