Озаҥ олаште тхэквондо ГТФ (боевой ден спортивный элемент-влакым ушышо системе почеш кучедалмаш) дене Российын первенствыже ден чемпионатше лийыныт. Тудо элнан 66 регионжо гыч 2824 спортсменым чумырен.
Марий Элын атлетше-влак ты таҥасымашыште 9 медальым сеҥен налыныт. Шӧртньӧ наградым Анна Чистобаева (8-9 ияш-влак коклаште) сулен. Софья Андреева, Эвелина Горохова, Ульяна Казанцева, Артемий Кислицын, Кирилл Козлов ший призёр лийыныт. Тимофей Мельник (6-7 ияш-влак коклаште) той медаль дене палемдалтын. Кирилл Козлов тхэквондо ГТФ дене Российысе сборный командыш отборым эртен.
Команде дене медаль зачётышто Марий Элын спортсменже-влак кокымшо верым налыныт.
Марий Элысе Спорт министерствын сайтше гыч налме фото.