7-8 пареҥгым эрыктыза, икмыняр ужашлан пӱчкедыза да, вӱдым ешарен, 20 минут шолтыза. Шинчалым ешарыман огыл. Вӱдым шӱрен налза, йӱкшыктарыза. Пареҥге вӱдыш 10 стакан яндар вӱдым, йодым (ик стакан вартышлан – ик чӱчалтышым) ешарыза да лугыза. Тыгай вӱдым росоташ арнялан ик гана шавыман. Пареҥге вӱд крахмал ден микроэлементлан поян, тыге росота вож вияҥеш, лышташ ужаргырак лиеш.