Роза мотор пеледышыж дене куандарыже манын, теве мом шотыш налза.
Шошым, кукшо укшлам пӱчкедымеке, ты кушкыллан азот кӱлеш. Аммиачный селитрым але мочевиным кучылт кертыда (10 л вӱдлан – 20 г). Тыге розан лышташлаже одарланен кушкыт.
Июньышто роза пеледышлыкым погаш тӱҥалеш. Тидын годым розалан калий ден фосфор кӱлыт – калий сульфат ден суперфосфатым иктеш кучылташ лиеш. Розалан лӱмын ӱяҥдышымат налаш келшен толеш. Тыге пеледышлык шукырак лектеш, варажым пеледыш шолдыра лиеш.
Июльышто, пелед пытымек, комплексный ӱяҥдышым пуыман. Нитроаммоф оска але калий гумат лач келшен толеш. Тидыже кушкыллан уэш пеледаш полша.
Сентябрьыште розам телылан ямдылаш тӱҥалман – азот деч посна. Калий монофосфатым але калимагнезийым кучылтса. Тыге розан вургыжо пеҥгыдемеш да теле йӱштым сайын эртара.