1 сентябрьыште Т.Евсеев лӱмеш Национальный тоштерыште «Первозданная Россия» ончер почылтын. Тудым Пӱртӱс сӱрет, анималистике да макрофотографий XIII общероссийский фестивальым иктешлыме негызеш ямдылыме.
«Первозданная Россия» фестиваль 2014 ий годсек эртаралтеш. Ончыч тӱҥ экспозиций Москошто ик тылзе ончыкталтеш, а вара – Российысе олалаште. Марий Элыште тыгай ончерым 2018 ий годсек кажне ийын чумырат. А тений проектыш вашталтышым пуртымо: тоштерысе естественно-научный коллекцийын фондысо материалже-влакым пуртымо. Садлан толшо-влак профессиональный фотографий-влакым веле огыл, тоштерысе экспонат-влакымат ужын кертыт.
Экспозицийым кок ужашлан пайлыме. «По пути рек России» ужаш ончышо-шамычым эҥер серла деке ӱжеш. «Красная книга России» блок шуэн вашлиялтше да йомын кертше кушкыллан пӧлеклалтын. Чылаже 30 наре пашам чумырымо.
Т.Евсеев лӱмеш тоштерын сайтше гыч налме фото-влак.
«Пушкин карте» программе дене Марий Элыште 78 тӱвыра тӧнеж: 24 тӱвыра пӧрт, 20 тоштер, 19 книгагудо, 10 кинотеатр, 6 театр, туныктымо тӧнеж да концерт площадке – пашам ышта.
2026 ий 24 августлан данный почеш, республикыштына «Пушкин картым» 42 091 еҥ оформитлен.
Тений январь-июльышто Марий Элыште ты программе почеш 17,4 млн теҥгелан 38 458 билетым ужалыме, тышеч 70%-ше – кинотеатрыш.
Т.Евсеев лӱмеш Национальный тоштерын сайтше гыч налме фото.