«Герои Марий Эл. Талешке-влак» кадровый программын участникше-шамыч тунеммаштышт кумшо модульыш кусненыт.
СВО ветеран-шамыч, каныш кечым ончыде, кугыжаныш да муниципальный управленийыште моштымашыштым вияҥдат. Кодшо арнян нуно прикладной теме-влакым шымленыт: антимикрокризисный управлений гыч тӱҥалын кугу данный-влак дене пашам ыштыме механизм марте. Лекций, проект паша деч посна спортланат жапым ойыреныт – Медведево район Корта ялыште ече дене коштыныт.
Программын участникше-шамыч тыгак кугыжаныш услугым саемдыме шотышто пашам ыштеныт, кундем-влакым вияҥдыме шотышто экономике нерген лекцийым колыштыныт. Вара ача-авашт дене пырля Г.Константинов лӱмеш руш драмтеатрыште спектакльым онченыт. Тыгак нуно тазалык аралтыш да туныктымо тӧнежлаште лийыныт.
Марий Элым Вуйлатышын пресс-службыжын фотожо.