Марий Эл Республикысе Правительстве Председательын икымше алмаштышыже Евгений Курмаев СВО участник-влак да нунын ешыштлан полшымо комиссийын заседанийжым эртарен.
Тушто военный службо гыч уволитлыме спецоперацийын участникше-влаклан полышым пуымо, нунылан диспансеризацийым эртыме да паша верым кычалмышт годым полышым ыштыме, ампутациян ветеран-шамычлан реабилитацийым эртарыме, тыгак неле форман инвалидностян СВО участник-шамычлан илыме верым келыштарыме да моло йодышымат тарватеныт.