Йошкар-Олаште «Единый Россий» партийын активистше-влак оласе виктарыше компаний-влакын пашаеҥышт дене пырля вӱд ташлыме деч вара пӧрт воктенысе кумдыклам шотыш кондаш полшат.
Луговой уремыште партиец ден коммунальщик-влак пашам тӱҥалыныт. Ола кучемын йодмыж почеш виктарыше компаний пӧрт йымак вӱд пурымо верлаште лӱмын погымо бункер-влакым писын вераҥден.
Волонтёр-шамыч еҥ-влакын кугурак ӱзгарыштым лукташ, быт техникым кусараш да вӱд почеш толшо шӱкшакым эрыкташ полшат. Тиде сомылыш Йошкар-Оласе калыкын йодмыж почеш полышым пуаш ямде улшо студент-влакат ушненыт.
Лишыл жапыште эҥгекыш логалше участкылаште еҥ-влакын лӱдыкшыдымылыкыштлан йӧным ыштышаш улыт, дезинсекций ден дератизаций шотышто мероприятийым эртарат.
