Апрель мучаштырак Морко район Кокласола лицейын первичный отделенийже «Движение Первых» толкынын эртарыме конкурсышкыжо ушнен ыле. Тунемше-влак «Читайте вместе с Первыми!» номинацийышкыже ушненыт.
Шукерте огыл конкурсым иктешленыт. Пале лийын: Кокласоласе лицейын «Движение Первых» толкынын первичный отделенийже сеҥыше радамыш логалын.
Пӧлек шотеш 50 книгам колтеныт. Книга-влак патриотичзм шӱлышан улыт: «А зори эдесь тихие», «Сын полка», «Повесть о настоящем человеке», тулеч моло. Тыгак Сергей Алексеевын ойлымаш аршашыже.
Тиде сеҥымаште Надежда Георгиевна Алексееван надырже кугу. Тудо лицейыште тиде толкынын пашажым ворандарен колтымылан вуйын шога.
Вячеслав Смирнов.
Фотом лицейын архивше гыч налме.