Россий ФСИН-ын Марий Элысе управленийыштыже «Уголовно-исполнительный системын эн сай психологшо» конкурсын республикысе этапшым иктешленыт.
Ведомство учрежденийласе психологий службышто тыршыше куд пашаеҥ ушнен. Нуно теорийым палымыштым тергеныт, практический заданий-влакым решатленыт да шке пашашт нерген видеопрезентацийым ончыктеныт. Икымше верыш уголовно-исполнительный инспекцийын психологий обеспечений группыжын психологшо Екатерина Смирнова лектын.
Июнь кыдалне Юл кундем федеральный округын эн сай психологшым ойырат, тушто Е.Смирноват профессионал мастарлыкшым ончыкта.