Марий Элысе МВД-ште «Лучший по профессии» полиций участковый уполномоченный-влакын профессионал мастарлыкыштым тергыме конкурсын регионысо этапше мучашлалтын.
ОВД пашаеҥ-влак кум дисциплиныште таҥасеныт: служебный, физический да огневой подготовкышто. Эн шуко баллым Россий МВД-н Йошкар-Оласе управленийжын участковый уполномоченныйже Инесса Яровикова поген, палдара Марий Элысе МВД-н пресс-службыжо. Кокымшо верыш «Волжский» отдел гыч Роман Иванов, кумшыш «Сернурский» отделын участковыйжо Александр Милютин лектыныт.