Марий Турек посёлкысо Ий полатыште 2012-2013 ийлаште шочшо хоккеист-влак коклаште Патырлык турнир лийын. Тудо Даманский отрошто советско-китайский пуламыр годым совет пограничник-влакын подвигыштым шарнымылан пӧлеклалтын.
Тушко Марий Элысе Ий ӱмбалне мунчалтымаш спортшколын икмыняр хоккей командыже да Виче кундемысе «Викинги» команде ушненыт. Хоккеист-шамыч сайын модыныт. Шӧртньӧ медальым «Викинги» команде налын, ший медаль дене «Спартак-Восток», той медаль дене «Спартак» команде-влак палемдалтыныт. Ты турнирыште эн тале вратарь лӱмым Матвей Борискин сулен, эн тале защитник Максим Скочилов, эн тале модшо Илья Мухаметдянов, эн тале Александр Аракчеев лийыныт.
Марий Элысе Ий умбалне мунчалтымаш спортшколын сайтше гыч налме фото.