Марий Эл Республикын Юстиций министерствыже тыгай годым мом ышташ кӱлмым умылтара.
1. МВД-шке писынрак шижтарыза
Паспортдам шкенан элыште йомдаренда але шолыштыныт гын, Россий МВД-н йомдарыме кундемысе органыш йодмашым возыза. Тиде йотэлыште лийын гын, дипломатический представительствыш але консульский тӧнежыш кайыман.
2.Документ-влакым погыза
Тыланда кӱлеш лийыт:
паспортым пуымо шотышто йодмаш;
паспортым йомдарыме (шолыштмо) шотышто йодмаш – кечым, верым, кузе лиймым ончыктыза;
35 х 45 мм кугытан кок фото (шеме-ошо але тӱсан);
воинский учёт документ (учётышто шогеда гын);
кугыжаныш пошлине – 1500 теҥге (южо тӱшкаш пурышо еҥ тудым тӱлымӧ деч утаралтеш);
справке / медзаключений – шке миен огыда керт гын (документым мӧҥгыштӧ пуымо шотышто посна йодмашым возыман);
кумыл почеш паспортыш ешартыш отметкым пурташ лиеш (еш, йоча-влак шотышто) – тидлан посна йодмашым да пеҥгыдемдыше документым пуыман).
3.Документ-влакым МВД-шке наҥгайыза
Документ-влакым МВД-н миграций йодыш шотышто кеч-могай подразделенийышкыже наҥгайыза (илыме вер, кызыт кушто улмо почеш). Йодмашдан кузе ончалтмыжым Госуслугиште личный кабинетыште эскераш лиеш.
Оформитлыме жаплан тыланда жаплан ыштыме удостоверенийым (эше ик фото кӱлеш лиеш) да тендан деч документ-влакым налме шотышто справкым пуат.
У паспорт, йодмашым пуымеке, вич деке жапыште ямде лиеш. Тудым налме годым чыла данныйдам терыза. Тазалыклан кӧра паспортлан каен огыда керт гын, МВД пашаеҥ тендан деке шке мия – тидлан оксам тӱлыман огыл.
Шотыш налза! Паспортым айда-лийже аралымылан кӧра йомдаренда гын…
— шижтарымашым пуат,
— 100-300 теҥге штрафым тӱлыктен кертыт (РФ КоАП-н 19.13 ст.).