18 апрельыште Памятник да ойыртемалтше вер-влакын тӱнямбал кечышт палемдалтеш. Тудым 1983 ийыште ИКОМОС Ассамблей (ЮНЕСКО пелен) тӱвыра поянлыкым аралаш кумылаҥдаш шонымаш дене пеҥгыдемден. Ты кечын петырыме памятник-влак деке корным почыт, экскурсийым эртарат. Тыгак тоштерлаште Почмо омса кече-влак лийыт. Тушто исторический объект-шамычым аралаш кӱлмӧ нерген каласкалат. Теве Икымше Российский император Пётр Великийлан пӧлеклалтше «Медный всадник» монументальный памятник ты пайремлан келыштаралтын. Тудо Санкт-Петербургысо Сенатский площадьыште верланен.
Википедий гыч налме фото.