Орок-влак Сахалиныште илат, шкеныштым «ульта» (але «уйльта»), «орочен» (рушла ойлымышт годым), «на-ни» («верысе айдеме» манын кусаралтеш) маныт.
2002 ийысе перепись годым шкеныштым «ульта йылме дене кутырышо ороч-влак» манын палемденыт. Тунамак ульта йылме дене мутланен моштышо еҥ 10 наре веле лийын. Шукын рушла кутырат.
Российыште уйльта-влак утларакшым Сахалин областьысе Поронайск олаште, Ноглики ола шотан посёлкышто да Вал селаште илат.
Орок-влак 1880-шо ийлаште тынеш пуреныт, но але мартеат шке верашт аралалт кодын. Тӱрлӧ чер деч эмлалташ амулет-влакым (сивэ, сэвэки) ыштат. Йоча нелын черлана гын, тудлан замш гыч ямдылыме амулетым шӱэшыже сакат. Тыгай амулет-влакым шукыж годым янлык але айдеме фигур семын келыштареныт да, куэмыш вӱдылын, изи кумыж сумкаште араленыт. Айдеме колен гын, воктекше пыштен тоеныт. «Маска пайремым» палемденыт: ты кечын лӱмын пукшен ӧрдыктарыме маскам шӱшкыл кочкыныт да лулегыжым тоеныт.
Уйльта-влак ожно аундау маналтше чумышто иленыт, тудым кол коваште але пушеҥге шӱм дене леведыныт. Каура илемыштат лийын, тудым шалаш семын чоҥеныт.
Йӱдвел могырышто илыше уйльта-влак (доронени) пӱчым ашненыт, сонарыш коштыныт, колым кученыт, теҥызысе янлыкым сонарленыт, емыж-саскам погеныт. Тыгак пӱчым лӱштеныт. Тыгай шӧр чот нугыдо, садлан тудым вӱд дене (1:10 кугыт дене) вареныт. Кечывалвел могырышто илыше уйльт-влак (суннени) колым кучен иленыт, теҥыз янлыкым сонарленыт.
багачигапу – салам лийже.