Оксам чын кучылташ

К.Першуткинан фотожо.

28 октябрьыште ПГТУ-што «Финансы. Молодёжь. Будущее» форум лийын. Тудо 1 тӱжем наре еҥым: школлаште, вуз ден ссузлаште тунемше самырык еҥ-шамычын да нунын наставникыштым – чумырен.

Участник-влаклан интерактивный да образовательный площадке-шамычым келыштареныт. Нуно финанс батлыште, квизыште, кейс-хакатонышто, тӱрлӧ турнир ден семинарыште участвоватленыт.

Тыге ӱдыр-рвезе-влак шке оксам чын кучылтмо, финанс лӱдыкшыдымылык, цифровой тӱняште шапаш оксам аралыме шотышто уш-акылыштым пойдареныт.