Марий Эл Правительствын заседанийыштыже образований системыште цифровой трансформаций нерген каҥашеныт.
Пытартыш жапыште нацпроект-влаклан кӧра кугу паша ышталтын:
- писе скоростян интернетым чыла школыш пуртымо;
- куд «Кванториум» йоча технопаркым, «IT-куб» рӱдерым почмо, «Беспилотные авиационные системы» 17 кружок пашам ышташ тӱҥалын;
- 254 тунемме тӧнежыште материально-технический базым уэмдыме.
Кызытсе задаче – оборудованийым налаш да чыла ресурсым пайдалын кучылташ. 2030 ий марте планым ыштыме:
- чыла школ кумдыкышто качестван Wi-Fi лийшаш;
- сайын пашам ышташ кажне туныктышылан планшетым налын пуаш;
- «Образование» единый доменым да «Сферум» платформым кумдан шыҥдараш. 21,5 процент ача-ава «Госуслуги. Моя школа» приложенийым кучылтеш.
Кодшо ийын республикна Российыште МАХ мессенджерыште школ канал улмо дене икымше верыш лектын. 100% подписчикын улмыжо оҥай да кӱлешан цифровой сервис нерген ойла. Ончыкыжымат педагог-влакым у компетенцийлан туныктымо йӧн лиеш, вет цифровизаций образованийын качествыжым саемдышаш.