Тений идалык мучаш марте Йошкар-Олаште ныл архитектурын тактильный макетшым ыштен шуктышаш улыт.
Тидыже «Туризм и гостеприимство» нацпроект почеш шукталтеш. Макет-влакым латунь гыч гранит постаментыште вераҥдат. Тиде Благовещенский соборын, Сапаев лӱмеш опер да балетшын, Троицкий черкын да Республикысе курчак театрын макетше-влак лийыт. А воктеныже QR-кодым келыштарат, тудын дене Туристско-информационный рӱдерын сайтышкыже логалыда, текстым Брайл шрифт денат возат.
Ондак ты нацпроект почеш Йошкар-Олаштына у навигацийым, теҥгыл-влакым, «Буква Й» арт-объектым да иллюминацийым ыштеныт.
Марий Эл Правительствын сайтше гыч налме фото.