Марий Элым Вуйлатыше Юрий Зайцев медицине пашаеҥ-влакым профессионал пайремышт дене саламлен да наградым кучыктен.
Тидын лӱмеш пайрем Э.Сапаев лӱмеш опер да балет театрыште эртен.
Регионым Вуйлатыше ушештарен: Российыште тазалык аралтыш сферылан кугу тӱткыш ойыралтеш. Кодшо ийын декабрьыште Президент Владимир Путин Здравоохраненийым вияҥдыме стратегийым 2030 ий марте пеҥгыдемден. Тушто отрасль ончылно шогышо задаче-влакым палемдыме.
Юрий Зайцевын мутшо почеш, республикын Правительствыже нине йодышла дене чолган пашам ышта. Сай лектышыш шуаш «Продолжительная и активная жизнь» ден «Семья» нацпроект-влак, тыгак «Единый Россий» партийын Калык программыже полшат.
2025 ийыште республикыштына вӱр коштмо системын чержылан кӧра колымаш Российысе показатель деч 21 процентлан изирак, осал пуалмаш (рак) черлан кӧра – 15 процентлан. 2025 ийыште «Земский доктор» ден «Земский фельдшер» программыла почеш 24 договорым ыштыме, 20 специалистлан илыме верым пуымо.
Ты пайрем кечын икмыняр еҥлан сулен налме наградым кучыктымо.
Снимкыште: сулен налме наградым кучыктымо тат.
Марий Элым Вуйлатышын пресс-службыжыын фотожо.