Волжск оласе 4-ше номеран школышто «Аламнер – 2026» беспилотный авиационный системе II регионысо форумым иктешленыт.
Республикысе йоча-шамыч БПЛА системым шымлыме 17 специализированный кружокышто шуаралтыт. А регионысо форум «Беспилотные авиационные системы» нацпроект почеш эртаралтеш. Участник-влак дроным виктарен, у технологий дене пашам ыштен моштымыштым ончыктеныт. 6-9 ияш-влак коклаште икымше верым Чакмарий (Звенигово район) школ, кокымшым – Медведево посёлкысо 3-шо №-ан школ, кумшым – Волжск оласе 4-ше №-ан школ налыныт. Кугурак ийготан-шамыч коклаште Роҥго селасе (Советский район) школ ойыртемалтын, кокымшо – Йошкар-Оласе технологический колледж, кумшо – Звенигово оласе лицей.