Марий Элыште Юл кундем федеральный округысо пашам ыштыше молодёжьын «МолоТ» – «Молодёжный труд» проектшын регионысо этапше мучашлалтын.
Тений тушко Марий Элысе экономике секторын шым предприятийжын еҥже-влак ушненыт. Тылзе мучко нуно спортышто, уш-акылым тергыме модмашлаште, видеоролик конкурсышто, еш эстафетыште да моло дисциплиныште шкеныштым тергеныт. Пытартышлан чытышым, икте-весылан полшымым ончыктымо военизированный эстафете лийын.
Иктешлымашым ыштымеке, регионысо сборный командым чумыреныт, тудо 5-9 августышто Пермский крайыште эртаралтше округысо финалыште Марий Элын чапшым арала.