Марий кугыжаныш университетыште почеламутым сылнын лудшо-влак коклаште «Мыйын Элем. Мыйын Россием» республикысе конкурс лийын. Тудо Россий калык-влакын икоян улмо идалыклан пӧлеклалтын.
Конкурсын «Шочмо эллан пӧлеклалтше произведенийым лудмаш» номинацийыштыже Морко район Коркатово лицейын 11 кадет классыштыже тунемше Татьяна Суворова (фотошто шола гыч икымше) сеҥышыш лектын.