«Герои Марий Эл. Талешке-влак» программын региональный да муниципальный управлений темылан пӧлеклалтше кумшо модульын очный ужашыже мучашлалтын.
Программын участникше-влак регионым виктарымаште цифровой технологийым да кугу данныйым шыҥдарыме, кумдыкым вияҥдыме стратегий, социальный политикым чумырымаште кызытсе жаплан келшыше йӧн, тыгак кундем-шамычлан келыштаралтше маркетинг да брендинг темым шымленыт.
Колыштшо-влак туныктымо системе йӧным, занятийын динамичностьшым да лектышыжым, тыгак ӱжмӧ спикер-практик-влакын кугу кӱкшытыштым палемденыт. Участник-влакын шонымышт почеш, программым сайын чоҥымо, а тиде модуль ик эн поян да виян лийын.
Марий Элым Вуйлатышын пресс-службыжын фотожо.