Марий Эл Республикын Кугыжаныш Погынжын Председательже Михаил Васютин Курыкмарий районышто Усола ден Микрӓк школласе кеҥежымсе лагерьлаште лийын.
Усола школышто 86 йоча тунемеш, лагерьыште кум отряд пашам ышта. Михаил Васютин Курыкмарий районысо Депутат-влак погынын председательже Евгений Смелов да школ директор Римма Краснова дене пырля тунемме да модмо пӧлем-влакым ончалын.
Микрӓк школышто йоча-влакын лагерьыште жапым эртарымышт да лӱдыкшыдымылык шотышто йодмашым шуктымо нерген школ директор Людмила Ефимова каласкален. Кугыжаныш Погын Председатель йоча-влак дене пырля Келшымаш кругыш ушнен, тушто ӱдыр-рвезе-влак кече кузе эртыме нерген шке шонымашыштым, тыгак мо келшыме да нелылык нерген ойлат.
Ушештарыман, 2026 ийыште Марий Элыште школ пелен 180 лагерьым почмо, тушто 12 600 утла йоча канышаш.
– Республикысе кучем да депутат корпус йоча канышлан кугу тӱткышым ойыра. Таче Курыкмарий районысо школласе лагерьлаште пашам кузе ворандарымым ужынна: чыла вере йӧнан условийым ыштыме, ӱдыр-рвезе-влак пайдале пашам шуктат. Мемнан задачына – Марий Элыште илыше йоча-влакын каникулышт пайдалын эртыже манын тыршаш, – палемден Михаил Васютин.
Кугыжаныш Погынын фотожо-влак.
