Республикысе йоча клинический эмлымверын кугурак операционный медшӱжарже Оксана Порошина «Профессия в объективе» Российысе фотоконкурсышто икымше верым налын.
Ты конкурс медшӱжар-влакын пашашт дене палдарыме, самырык-шамычым ты пашаш толаш кумылаҥдыме амал дене эртаралтеш. Регионысо этапыш Марий Элысе 15 медорганизаций гыч 45 паша пурен. Ныл номинаций лийын, О.Порошина «Открываем секреты профессии» номинацийыште сеҥен.