8-9 октябрьыште Йошкар-Олаште «Туристический сувенир» федеральный премийын полуфиналже лиеш. Тушко элнан тӱрлӧ кундемже гыч сувенир сату-влакын эн чапле образецыштым ончыктат.
9 октябрьыште Йошкар-Оласе Курчак театрын фойештыже туристический сувенир сату-влакын кугу ярмиҥга ончерыштым чумырат. Тудо 10 гыч 18 шагат марте пашам ышташ тӱҥалеш. Тушто регион-влакын тӱвыра да историй поянлыкыштым радамлыше арвер-влакым ужаш, мастар еҥ-шамыч деч шкештак авторский пашаштым налаш, конкурсын участникше-шамыч дене палыме лияш да нунын опытыштлан эҥерташ, у парнёр-влакым муаш йӧн лиеш.