Республикыштына мер эскерыше-влакын корпусыштым шушаш сайлымаш кампанийлан ямдылаш официальный стартым пуымо. Шуматкечын да рушарнян эрыкан эскерыше-шамычын икымше йогыныштым туныктеныт. Марий Элысе Мер полатын волонтёр-эскерыше лияш ӱжмыжлан чылаже тӱжем утла еҥ электоральный законодательствын негызше шотышто шинчымашым налеш.
Штабым вуйлатыше, РМЭ ОП-н еҥже Евгений Кузнецов республикыште илыше-влакын кугун ушнымыштым палемден.
Республикыште чылаже тӱжем утла эрыкан эскерышым туныкташ палемдалтеш. Тренинг-шамыч Йошкар-Олаштат, республикысе чыла районыштат эртат. Штабын планже почеш, ямдылыме волонтёр-эскерыше-влак чыла участковый сайлыме комиссийыште (УИК) пашам ышташ тӱҥалыт, сайлыше-влакын праваштым шуктымым тотально тергаш йӧным ыштат.
Штаб вуйлатышын замже, РФ ОП-н еҥже Роман Золотухин тиде туныктымаш методикын пайдалыкшым палемден.
Тунемаш тӱҥалме вашеш регионысо Мер полат негызеш штабын туныктышыжо-шамычын НОМ ассоциацийын федеральный экспертше-влак дене вашлиймашышт эртен.
Ушештарыман, IX созыв Кугыжаныш Думыш депутат-влакым сайлымаш 2026 ий 18-20 сентябрьыште лиеш.