Чебоксарыште йоча шахмат фестиваль – Российын йоча кубокшын ик йыжыҥже эртаралтын. Тушко элнан 53 регионжо гыч 700 утла самырык шахматист ушнен. Марий Элын чапшым Параньга кундем гыч ныл спортсмен арален.
Марат Рахимов 13 ияш марте шахматист-влак коклаште 8,5 (9 гыч) очком поген да икымше верым налын. Тидын дене рвезе шканже финалыш логалаш корным почын. Финал декабрьыште Ярославльыште лиеш.