26 майыште Кугыжаныш Погынын икымше Председательже, экономике науко доктор, МарГУ-н профессоржо Анатолий Смирновын 70 ияш лӱмгечыжлан пӧлеклалтше вашлиймаш лийын.
Анатолий Смирнов – учёный да педагог, Россий Федерацийын кӱшыл профессионал образованийын почётан пашаеҥже. Тудын маркетинг ден агропромышленный комплексысе экономике областьыште научный пашаже-влак республик деч ӧрдыжтат палыме улыт. Шуко жап кыртмен пашам ыштымыжлан Кугыжаныш Погынын отличий палыж дене – «За особый вклад в развитие законодательства Марий Эл» да «За вклад в развитие законодательства Марий Эл» медальла дене, тыгак республикысе Правительствын да Российысе Образований да науко министерствын почётан грамотшо дене наградитлалтын.
Юбилярым Кугыжаныш Погынын кызытсе созывшын Председательже Михаил Васютин да законодательный органын пашаеҥже-влак саламленыт.
