«Лӱдыкшыдымылык арня» Всероссийский просветительский акций кышкарыште Марий Элысе школьник-шамычлан икмыняр мероприятий эртаралтын.
Икымше кечын ӱдыр-рвезе-влак дене киберлӱдыкшыдымылык да финанс теме-влакым лончыленыт. Марий Элысе Национальный банк ден Ший доброволец-влак Йошкар-Оласе школлаште 7-ше класслаште тунемше-шамычлан шкешотан квестым келыштареныт. Нунылан жапым пайдалын эртараш веле огыл, тыгак уш-акылым терген ончаш йӧн ышталтын. Участник-влак тӱрлӧ элын валютыжым шарналтеныт, Российысе банкнот-влак нерген йодышлан вашештеныт, финанс нерген кроссвордым да ребусым, инвестиций нерген задачым решатленыт.
Вес кечын Йошкар-Оласе Самырык-влаклан полатыште «Профилактика наркомании и лудомании» темылан келыштаралтше мероприятий-шамыч лийыныт. Тушто тунемше-шамыч дене ты йыжыҥ илышлан могай эҥгекым конден кертме, тудын деч шкем кузе чактараш лийме да моло нергенат мутланеныт.
«Молодёжь в Марий Эл» тӱшка гыч налме фото.