Апрель – кушкыл-влак помыжалтме да сад-пакча паша тӱҥалме жап. Ты тылзын теве могай сомылым шукташ келшен толеш.
- Пушеҥге ден вондерлам грибок чер да тӱрлӧ копшаҥге деч обрабатыватлыман. Тидлан бордоский вартыш (3%-ан) келшен толеш. Тыгак Абига Пик але Профилактин Плюс препарат-влакын баковый смесьыштым кучылташ лиеш.
- Пушеҥге тӱҥым кошкышо шӱм деч эрыктыман да сусыр верлажым обрабатыватлыман.
- Мланде ырен шуын, да ончыкыжым ок кылмыкте гын, саскан пушеҥге ден вондер-влакым шындаш лиеш.
- Шукияш кушкыл-влак воктене мландым пушкыдемдыман, кушкыл ӱмбалысе рокым кораҥдыман.
- Юалгым чытыше кушкыл-влакым шындаш жап.
- Газонышто шӱкым да кошкышо шудым удырен кораҥдыман.