Марий Эл Республик – Юл кундем федеральный округышто изи да кокла предпринимательстве субъект-влакын ешаралтмышт шотышто лидер.
Кызыт республикыштына изи да кокла бизнесыште 116,6 тӱжем еҥ тырша, тидыже кодшо ий дене таҥастарымаште 10,7%-лан шукырак. Марий Элысе кажне кумшо еҥ тиде сферыште пашам ышта, а ты сфере регионысо валовый продуктын 30 процентшым авалта.
2025 ийыште предприниматель-влаклан полшымо шот дене 22,1 миллион теҥгем колтымо (100 процентлан финансироватлыме). «Мой бизнес» рӱдерын пашажлан кӧра сай полыш пуалтын: 435,7 млн теҥге микрозаймым пуымо, поручительстве 731,7 млн теҥгеаш кредитым налаш полшен. Кум тӱжем утла предприниматель ден самозанятый пашаеҥ-шамычлан квалифицированный консультаций эртаралтын.
Бизнес-инкубаторышто Электрон торговльо рӱдерым шыҥдарыме деч вара 53 амалкалчылан «ик окна» принцип почеш маркетплейсыш лекташ 268 услугым пуымо.
Кызыт «Эффективная и конкурентная экономика» нацпроект почеш шке сомылым тӱҥалаш, производствым вияҥдаш да паша верым ешараш кумылан еҥ-влаклан йӧнан условий ышталтеш.