Йошкар-Оласе кум НКО социально кӱлешан проект-влакым илышыш шыҥдарымылан 200 тӱжем теҥге гыч налеш.
Тений НКО-шамыч коклаште грантым налме шотышто конкурс цифровой форматыште эртен. Тушко ушнаш участник-влак деч йодмашым лӱмын келыштарыме электрон площадкыште погеныт. Туштак тергымаш лийын. Сеҥыше-влак коклаште Марий Элысе триатлон спортын федерацийже. Грант оксам таҥасымашым эртарымылан да кундемыштына илыше-влакым тӱшка спортлан кумылаҥдымылан виктараш палемден. Ты радамыштак регионысо десантник-влак ушем ден начарын колшо да соҥгыра-шамычын Всероссийский обществын Марий Элысе пӧлкаже улыт.