Икана поян еҥ тора корныш пеленже эргыжым налын, тудлан мо тыгай окса деч посна илымым ончыкташ шонен. Икмыняр кечым нуно нужна ешыште эртареныт. Мӧҥгӧ пӧртылмеке, ача эргыж деч тора кундемыш миен коштмо келшен мо манын йодын.
– Келшен, ачай! – вашештен рвезе.
– Ужыч, еҥ-влак могай нужна лийын кертыт? – йодын ача.
– Туге, ужым! – лийын вашмут.
– Мемнан путешествий деч вара могай иктешлымашым ыштышыч? – адак ача умылынеже.
Эрге вашештен:
– Мый теве мом шекланышым. Мемнан ик пийна веле, а нунын – нылыт. Мемнан сад покшелне кугу бассейнна уло, а нунын – мучашдыме эҥер. Мемнан саднам понар-влак волгалтарат, а нунын йӱдым шӱдыр-влак чолгыжыт. Террасына ончыл кудывече марте шуйна, а нунын кавадӱр марте йоҥгыдылык. Ме кочкышым налын кочкына, а нуно шке ончен куштат. Мемнан пӧртна йыр аралтышлан пырдыжым печыме, а нунын чыла вере йолташышт уло, кеч-кунам нунылан эҥертен кертыт.
Рвезын ачаже ӧрмыж дене тӱҥын шогалын, а эрге ешарен:
– Мый умылышым, могай ме чынак нужна улына…
freepik сайт гыч налме фото.