Йошкар-Ола гыч Сергей Козлов ден Карина Сафина Российыште да элнан тӱрлӧ площадкыштыже куштымаш спортышто ятыр ий ойыртемалтыт.
Мужыр Юл кундем федеральный округын абсолютный сеҥышыже лӱмым Уфаште эртаралтше Первенствыште пеҥгыдемден ыле. Варажым Сергей ден Карина Казахстаныште вице-чемпион лӱмым суленыт.
Ынде нуно Москошто Российын Первенствыштыже да Чемпионатыштыже таҥасеныт. Мужыр двоеборьеште да Европейский программыште икымше лийын, а латиноамериканский программе дене кокымшо верым налын. Спортсмен-влакын тренерышт – Дмитрий Ушаков.