23 августышто Курыкмарий кундемысе Виловат селаште «Спортын мландыже – 2026» Всероссийский марафонын регионысо йыжыҥже лийын. Тудо республикнан чыла гаяк районла ден округла гыч команде-влакым чумырен.
Марафонын программыже тӱрлӧ ийготан да спортышто ямдылалтме кӱкшытан участник-шамычлан келыштаралтше лийын. Нуно еш эстафетыште, команде дене модмаште, ГТО нормативым сдатлымаште вийыштым тергеныт. Экстримым йӧратыше-шамычланат лӱмын таҥасымашым ямдыленыт.
«Спортын мландыже» марафон села ден яллаште илыше-шамыч коклаште таза илыш-йӱлам кучымылан, спорт деке шӱмаҥдымылан виктаралтын. Тудым Российысе Ялозанлык министерствын темлымыж почеш илышыш шыҥдаралтеш. Регионысо йыжыҥыште ойыртемалтше-шамыч кундемнан чапшым ынде Российысе проектын моло йыжыҥлаштыже аралаш тӱҥалыт.