Йошкар-Олаште Марий Эл да тысе калыкын илышыж нерген материалым войзат. Тыгодым кундемнан калык кочкышыжлан кугу тӱткыш ышталтеш.
«География России» проектын общенациональный гастропутешествийышкыже марий калык йӱла да верысе кочкыш нерген материал-влак пурталтыт. Тидлан лӱмын «Онар» рестораныште кундемнан пӱртӱсшым да историйжым радамлыме кас кочкыш лийын. Тушто ресторанын шеф-командыже калыкнан кочкышыж дене палдарен. Тылеч вара проектын участникше-шамыч Оршанке районысо Марково ялыште «Море Лаптевых» аквафермыште, Советский район Ӱшнурышто Галина ден Станислав Волковмытын сурт-печыштышт, «Онар» ресторанын уремысе коҥгашт воктене лийыныт.