Аналитик-влакын шотлен лукмышт почеш, Российысе кугу да кокла предприятийлаште пашам ыштыше ӱдырамаш-шамычын пашадарышт пӧръеҥын деч 33,7 процентлан изирак.
Тидыже 13 ий жапыште икымше гана тыгай кугу ойыртем. А окса шот дене 37,8 тӱжем теҥгелан шагалрак. Поснак Йӱдвелысе, Мӱндыр Эрвелысе регионлаште. А кушто бюджетник шуко, тушто пашадар пешыже огеш ойыртемалт. Отрасль дене ончалаш гын, кугу ойыртем тӱвыра ден спортышто, а эн изи – образованийыште да чоҥымо пашаште.