2027 ийлан Йошкар-Олаште тӱзаташ кумдык-влакым ойырен налме!
Кодшо кечылаште ола округ ден муниципал районласе мер комиссий-влак «Инфраструктура для жизни» нацпроектын «Формирование комфортной городской среды» федерал проектше дене келшышын, илем-влакым весемдаш граждан-влак деч йодмашым онченыт.
Тӱзаташ 6 мер кумдыкым ойырен налме:
1. Никонов лӱмеш площадь;
2. Воин-десантник-влакын скверышт;
3. Зоя Космодемьянская уремын чётный могырыштыжо тротуар (130-шо ден 132-шо №-ан пӧрт-влак кокласе корно гыч Иверский Юмынаван юмоҥажын храмже марте);
4. Карл Маркс уремысе 101а ден 103-шо №-ан пӧрт-влак дене мер кундем да йолын коштмо Парковый (Вантовый) кӱвар;
5. Пӱнчер ото мер кумдык (Сталинград кредалмашын Геройжо-влак уремысе 100-шо №-ан пӧрт гыч «лӱмдымӧ пашма» марте;
6. Машиностроитель уремын чётный могырыштыжо тротуар (Садовый урем гыч Строитель урем марте).
Всероссийский рейтинг йӱклымаш 21 апрель гыч 12 июнь марте эрта. Лач тудын иктешлымашыже эн ончычак могай объектым тӱзатымым рашемда. Йӱклымашке 14 ияш деч кугурак олаште илыше чыла еҥ ушнен кертеш.