Марий Элысе Йоча да самырык-влак усталык полатын «Знатоки» командыж гыч ӱдыр-рвезе-влак «Походы Первых – больше, чем путешествие» Российысе проектыш чолган ушнат.
Шукерте огыл нуно родо-тукымышт дене пырля туристический походыш миеныт. Кужэҥер район Визымйыр ял гыч Каменная гора заказник марте да мӧҥгешла каеныт. Ӱдыр-рвезе-шамыч корнышто шӱкым погеныт да памаш воктенысе кумдыкым кукшо шудо деч эрыктеныт. Тыгак – верысе кумдыкын историйже, тушто кушшо тӱрлӧ кушкыл нерген шуко пален налыныт.