3-6 июньышто Санкт-Петербургышто 29-ше экономический тӱнямбал форум (ПМЭФ) лийын.
Тушко 100 утла элын делегацийже миен, 150 утла сессий эртаралтын. Тенийысе тӱҥ теме – «Прагматичный диалог – путь к стабильному будущему». Форумын участникше-влак 6 трлн 642 млрд теҥгелан 1084 ойпидышым подписатленыт, увертарен форумын оргкомитетшын ответственный секретарьже Антон Кобяков. Теве Россий ден Саудовский Аравий коклаште гына 30 ойпидышым ыштыме.